Bibliothech

Ti salf per mparé y liejer cun gheneda

N local che ne vën nia nuzà, truep libri da stuep. Chësc dëssa se mudé proscimamënter. La biblioteca che vën nuzeda dal Istitut d'Ert Cademia, dala Prufesciunela y dal ITE, ie tl partimënt ndrë’ ite y dëssa giapé n cialé ora nuef. Dal scumenciamënt de nuvëmber incà iel na bibliothechera nueva, Michela Grossi, che ie te biblioteca for de vënderdi y ie a despusizion de duc. Duc i libri à n barcode che ie laite tla rë Bibliotheca Plus (“Netz Bibliotheca Plus”) , n prugram che vën nuzà te dut  Südtirol. Uni liber che vën mprestà ora vën registrà tlo y nscila iel mesun fé  statistiches per uni liber, nsci che n possa cialé tan de iedesc che n liber ie unì mprestà ora y da chi. Truep libri ne n’ie bele giut nia plu unii tëuc tla man o mprestei ora, per ejëmpl la gran Enzyclopedia Britannica cun si lingia de libri. Suvënz vëniel nuzà scialdi deplù i diziuneres y lexica online. 
Te chisc caji uel la grupa de lëur dla biblioteca, ulache l ie leprò maestri y maestres de duta trëi la scoles, tré na rissa: per ti fé plu lerch ala leteratura vën i libri che ne vën nia plu nuzei tëui y tres. L Istitut d'Ert y la Prufesciunela à bele vel’ idea per ti dé na segonda vita a n valgun libri: per ejëmpl fé dainora stuei o velch da canape. Chësc fajëssa la biblioteca na luegia da sté mpue’ plu saurì te na biblioteca che dajova nchin ´sën la mperscion de n ufize o n magazin. 
Nce sun chësc pont lëura la grupa: deberieda a na spezialista per l aredamënt de biblioteches, dëssa l locala unì abelì y sauridà, per ti pité nscila a duc chëi che ie tla 3 scoles, na luegia ulache n se stebe bën. Ajache te na luegia bela stàn gën, y povester tòlun nce n liber tla man. 

Orar de giaurida:
Uni venderdi dala 7:45 nchin 12:45