Storia dl ITE Raetia

Dl 1954 vëniel giaurì a Urtijëi n Istitut per Ragionieri sciche sezion destacheda dl ITC de Bulsan. Da ann a ann messova l ministero de Roma dé la autorisazion de pudëi jì inant sciche sezion destacheda l ITC de Bulsan. Dal 1959 inant, deventa pona l ITC Raetia n Istitut autonom, ne dependan nia plu da n Istitut de Bulsan. L ann de scola 1959/1960 ie perchël stat l prim ann de scola cun funzionamënt autonom.

Ncuei ie l ITE RAetia na strutura d'educazion moderna che ne schiva nia la ndesfidedes de chisc tëmps. La prioriteies ie la cumpetënzes y cunescënzes dla trëi rujenedes aministratives y nce dla rujenedes fulestieres.

L ITE pieta n nseniamënt pratich che raida ntëur a tematiches atueles y che stimulea n svilup dla cumpetënzes. Oradechël ti vëniel dat pëis a nteresc y capaziteies ndividueles, a iniziatives ndividueles a cumpetënzes sozieles y la capazità de lauré deberieda a na maniera respunsabla.

N'atmosfera per mparé idéela, la prufesciunalità y nce la cumpetënzes pedagogiches-didatiches di nsenianc ti tën la scela a nosc studënc ntan si streda furmativa. L diplom che i studënc giapa ala fin di cin'ani, ti gëura ai studënc d'uni sort de portes per l mond dl lëur y pieta al medem mumënt la fundamënta per n'università.