Sezion: Aministrazion, Finanzes, Marketing y Sport

La Sezion "Aministrazion, finanza, marketing y sport" tl ITC Raetia a Urtijëi ie pieda via tl ann de scola 2007/08 cun n drë sgors!
L ie unida metuda su la sezion nueva IGEA CUN SPORT tl ITC Raetia a Urtijëi. Tres l autonomia scolastica iel stat mesum mudé l ëurar de scola y jì ite nsci sun i debujëns de chëi jëuni che pratighea sport a livel agonistich. Mé cun l gran aiut dl organisazion da pert dl Schi Club Gherdëina y dl Snowboard Club Gherdëina y cun finanziamënc straordineres dla man publica y de privac, iel stat mesum de pië via cun chësta sezion te na scola auta. Nce sce l sport à n gran pëis, ti vën dat na gran mpurtanza ai studi y al nseniamënt dla materies scolastiches te n sistem de scola paritetich. 

La sezion IGEA (giuridica, economica, aziendela) ie metuda su da materies per njinië ca l studënt ai ujëns mudei dl mond dl lëur modern y ala aspetativa dla sozietà, che pertënd for plu cunescënzes nueves, cumpetënzes y fortli.

I ponc plu mpurtanc de chësta sezion ie:

• L mëter adum de rajuneria y tecnica te na materia unica denumineda « economia aziendela » che vën nsenieda ntan dut l ziclus de stude.
• La creazion de na zona de lëur tlameda “Tecnologia dla nfurmazion y cumunicazion”, per l arjonjer dla capaziteies che va de bujën per lauré te ambienc for plu nfurmatisei.
• L stude dla nfurmatica nia coche disciplina a pert, ma sciche strumënt d’arichimënt dla matematica y dl’economia aziendela.
• I nseniamënc dla scienzes natureles, dla fisica, dla chimica y dla geografia tol śën ite doi disciplines nueves: scienza dla natura y scienza dla materia.
• Ntroduzion bele ti prim doi ani dla materies “dërt y economia” y “economia aziendela”

 ORAR