Band dla scola COMINAIS

L inuem „Cominais“ vën dala dumanda „Co minais?“. La grupa de mujiga ie bele unida metuda su dan truep ani da n valgun sculeies dl ITE che ciantova y sunova gën. Da ntlëuta spartësc la grupa si legrëza per la mujiga, se svilupan inant cun uni nueva generazion de sculeies che vën docà y ti dajan l mesun a duc i sculeies de se fé audì tres la mujiga.

I Cominais abelësc festes o scumenciadives de scola. La grupa ie metuda adum danter 8 y 12 cumëmbri y à cianties gospel, ma nce cianties pop y rock nterpretedes da nuef te si repertoire. Unitant mët la grupa nce adum de si cumposizions.

Un di plu biei mumënc di Cominais fova chël de pudëi fé pea pra l cuncors de grupes scolastiches „Musik macht Schule“, d’ansciuda dl 2019.