ITE RAETIA

Una scuola - due indrizzi - tre opportunità

 

L Istitut Tecnich Economich „Raetia“ ie na scola moderna che cëla de viers dl economia, danvierta ai mudamënc dl tëmp che à danfé cun l mond dl lëur y dl ncësa.

Nosta scola se svilupea dl viers de na istituzion dla furmazion moderna y ne se tëm nia dala dificulteies che vën docà y se desferenzieia dal’autres dantaldut per l nseniamënt paritetich, garantí dal Statut de Autonomia.

Ciche nes sta a cuer ie nce l savei da rujené sciche toca la rujenedes. Ajache la rujeneda nglëija ie for de majera mpurtanza veniel nsenià vel argumënt de storia y geografia turistica tla metoda CLIL.

Vester daujin ala pratica, n nseniamënt che va cun i tempes, na furmazion generala, l lauré autonom y l pensé y mparé cunlià danter pli materies y argumënc vën ncurajei da nosta scola. N nteurvia che motivea a ji a scola y la prufessionalita y cumpetënza di nsenianc dessa ti judé a duc i sculeies/duta la sculees te si furmazion

La cumunitá scolastica garantësc la culaburazion cun la firmes, la istituzions publiches y cultureles. L diplom ala fin de i cin ani de scola ti gerua ai studënc la portes tl mond dl lëur y ti da nce la basa per studie inant.

Perchel se tol dant la scola de lauré de viers dla pratiga (stages, vijites a uni sort de dites y hotiei, proiec che nes lieia cun l mond dl leur, tla cuarta la mpreja formativa simuleda, ...) y l trasmëter la cumpetenzes che va debujen per uni sort de furmazion.